Euskaraz.net

Bidaia luzeetatik etorri berriak, Europako zirkoetan barna ibili ondoren, Gari, Montxo eta Joselontxo prestaketetan ari dira pistan azaldu eta beraien Ikuskizun Handia eskaintzeko. Baina emanaldia egiteko behar diren tramankulu, maleta eta kutxak ez dira oraindik iritsi. Zapata handiak, sudur gorriak, saxofoia, tronpeta, tuba... falta dira! Zer egin orain? Ikusleak zain daude eta ikuskizunak hasi behar du!

OHARRA: Haurrentzako ekitaldietarako gonbidapenak lortzeko, aldez aurretik izena eman beharko da ikuskizuna izango den kultur etxeko posta elektronikoaren bidez (gehienez 4 gonbidapen): aietekulturetxea@donostia.eus. Izena emateko epea ekitaldia baino 5 egun lehenago irekiko da (otsailaren 21etik aurrera) eta gonbidapenak jarduera hasi baino ordu erdi lehenago arte jaso ahal izango dira. Ekitaldian parte hartzeko maskara nahitaezkoa izango da, 0-5 arteko urtekoentzat izan ezik.

Kondairak dio Aintzineko Txinan, Kristo aurreko II. mendearen bukaeran, Wu-Ti enperadoreak, Wang izeneko bere maitalea galdu zuela heriotzak eramanda, Enperadoreak asko maite zuen eta orduan tristurarik haundienean erori zen. Negar eta negar egiten zuen eta egunero bere malko bat lurrera erortzen zen. Gauak eta egunak igarotzen ziren eta ez inork ez ezer ez zuten Enperadorea pozten. Egun batean, gortean erabaki zuten Wu-Ti Enperadoreari poztasuna itzultzea.

Oharra: Gonbidapenak lortzeko aurrez izen ematea beharrezkoa izango da, eta horretarako larrotxenekulturetxea@donostia.eus helbidera bidali beharko da eskaera.

- Ikuskizuna baino 5 egun lehenago (otsailaren 21) eska daitezke gonbidapenak (gehienez lau gonbidapen) eta saioa hasi baino ordu erdi lehenago arte jaso ahal izango dira.

- Aretora sartzeko guztiek maskara eramatea nahitaezkoa izango da, 0-5 arteko urtekoentzat izan ezik.

- Pandemiaren egoeraren aldaketarekin bat ikuskizunetara sartzeko neurriak egokitu dira.

- Gomendatzen dugu garaiz iristea, eserlekuetara ahalik eta erosoen iristeko. Ilaran itxaroten den bitartean ezarritako distantzia soziala mantendu beharko da.

- Plazak eserita eta mugatuak aforoa bete arte.

Era berean informazioa Donostia Kulturako webaren bidez eguneratuko dela kontuan hartzeko eskatzen dizugu.

 

Dinamizatzailea: Eider Perez

Emakumeen eta hizkuntzaren arteko elkargunea lantzeko tailerra izango da. Feminismoak eta euskalgintzak munduan egoteko eta eragiteko praktika, diskurtso eta iruditegi berriak eraiki nahi dituzte. Baina lan horretarako beharrezkoa da atzera ere begiratzea, memoria egitea eta jasotzea, erresistentzia praktika gisa.

Tailerrak feminismoaren eta euskararen arteko elkargunea izan nahi du. Batetik, hizkuntzaren eta kulturaren transmisioan Donostiako emakumeek eginiko lana aitortu eta erreferenteak ikustarazteko. Eta bestetik, hizkuntza ez hegemonikoen eta feminismoaren arteko harremanari buruz hausnartzeko.

Tailerreko kideen parte-hartzean oinarritutako tailerra izango da; bertaratuek hitz egiteko eta elkarri entzuteko aukera izango dute. Horrez gain, gorputzean arreta jarri eta gorputzaren memoria esnatzeko eta aktibatzeko hainbat jolas eta ariketa proposatuko dira.

Emakumeentzako tailerra Lekua: Hezkuntza areatoan, San Telmoko 1. solairuan Bi eguneko tailerra: 

Otsailak 25: 18:00 - 20:15
Otsailak 26: 10:00 - 12:15

Prezioa: 15€, (Bagerako eta San Telmo Museoko bazkideak, 12€) Izen ematea: Bagera.eus

Larunbatero, Kubo Kutxa aretoak doako bisita komentatuak eskaintzen ditu José Antonio Sistiagaren (Donostia, 1932) De rerum natura erakusketara.

Erakusketa sei aretotan banatuta dago, ordena kronologikoari segika; hala, bisitariak artistaren sormen-etapa guztiak azter ditzake, bai eta artistak baliatzen dituen material eta teknika askotarikoak ikusi ere.

Ezinbestekoa da aurrez erreserba egitea: aretoan bertan | T- 943 251939 | hezkuntza_kubo@kubokutxa.eus

Deskargatu hemen erakusketa-gida

OINARRIAK

Ilustrazio eta Ipuin lehiaketak haurren eta gazteen artean irakurzaletasuna eta sormena bultzatzea du helburu. Horretarako hiru modalitate antolatu dira, haur eta gazteen adinaren arabera:

• Ipuina ilustratu
• Ilustrazioa ipuin bilakatu
• Komikia edo bineta sortu

Lanak bidaltzeko azken eguna apirilaren 13a izango da.

Inauteri-festak eta tailerrak Aieteko (maskara veneziarrak), Altzako (inauteria ospatzen), Amarako (maskara veneziarrak), Bidebietako (osagarriak sortzen), Egiako (maskara tailerra), Groseko (mozorrotu gaitezen trollez), Intxaurrondoko (maskara tailerra) eta Martuteneko (mozorroak sortuz) haurtxokoetan. Donostiako Udalak aurten ere programazio zabala aurkeztuko du.

EUSKAL MITOLOGIAN INSPIRATUTAKO HAURRENTZAKO JOLASAK udaletxean. Sarrera libre lekua bete arte. Nahitaezko mozorroa (laguntzaileak ere). Donostiako Udalak aurten ere programazio zabala aurkeztuko du.