Oharra: ikuskizun honen gaztelaniazko bertsioa ekainaren 4ean antzeztuko da.
Erresuma/Kingdom/Reino William Shakespeareren tragedia historikoak proposamen ahaltsu gisa aurkezten zaigu estetikoki eta bisualki, oso eszena-planteamendu gaurkoa baitu, instalazio batetik oso gertukoa. Calixto Bieitok Shakespeareren tragedien funtsari eusten dio: hizkuntza, bortxa eta poesia. Ardatza errege handiak dira Rikardo II.a. Enrike IV.a, Enrike V.a, Enrike VI.a eta Rikardo II.a, beren ahal eta ahuleziekin. Haien historietan, indarkeria, gorrotoa, ustelkeria, gogoeta, heldutasuna, egonezina, ziurgabetasuna, sumina, errukia... ageri dira.
Josep María Pou, Joseba Apaolaza, Lucía Astigarraga, Ylenia Baglietto, Ainhoa Etxebarria, , Iñaki Maruri, Koldo Olabarri, Lander Otaola, Eneko Sagardoy eta Mitxel Santamarina aktoreek osatzen dute Arriaga Antzokiak Teatro Español, Gasteizko Printzipal Antzokia, Donostiako Victoria Eugenia Antzokia eta Getxoko Musikebarri zentroarekin batera egindako produkzio honetako aktore-taldea, Bernardo Atxaga arduratu da antzezlana euskaraz egokitzeaz.
Argazkia: E. Moreno Esquibel
Mikel Urdangarinek laukote formatoan eskainiko du kontzertua Donostiako DOKA Kafe Antzokian.
Musika ibilbidearen 25. urteurrena dela eta, 25Tour aurten Mikel Urdangarin egiten ari den biraren izena da. Bere alde indie hori besarkatu nahi duen etapa berri honetan, euskal kantari ezaguna Espainiako zein nazioarteko hainbat puntutan ibiliko da, Brooklyn, Manhattan eta Okinawan ere geldialdiak eginez, besteak beste.
Mikel Urdangarinen musika beti da opari belarrientzat eta baltsamo arimarentzat.Gainera, zuzeneko emanaldietarako formatu eta prestakuntza desberdinetara egokitzeko gaitasuna du. Horietako bat laukotekoa da, eta hainbat instrumenturen soinuez gozatzeko aukera ematen du, Mikeli ahotsean lagunduz.
Abantaila batekin: taldekideak dira, kantu bakoitzaren ñabardurak ezagutzen dituzte eta une bakoitzean behar den ukitua ematen diote.
Mikel Urdangarinek laukote formazioan kantautore zornoztarraren errepertorioaz beste modu batean gozatzeko aukera ematen du, esperientzia berezi bihurtuz.
Maiatzaren 11ko oharra: jarduera 19:00etan hasiko da.
Kanta programa honekin guztiz bat datozen jarduerak. Hemezortzi urtez jarraian, eta pandemiaren ondorioz bi urtez ezin ospatuz, lagun taldea Larrotxene parean elkartu eta kantua (eta dantza) kalera aterako dugu, gure auzoko etxarte eta plazetara.
Musika bihurtutako zaborra: luteria, birziklatzea eta musika-sormena.
Gizarte honek baztertzen dituen objetuekin egindako musika-tresnak oinarri dituen ikuskizun musikala. Jazz erritmodun mangerak, didgeridoo bihurtuko diren yogurt potoak, kriskitin konplejua daukaten maionesa tapa jotazaleak, erritmo afrikarrez beteriko kuboak,gorputzean itsatsirik geratzen den doinua fabrikatzen duten hodiak... Hori guztia Tramamatrakan dago.
Nola grabatzen da Irabazi arte! bezalako telesail bat? Kameren atzean gertatzen diren pasadizo, istorio, barre eta estutasunak azalduko dizkigute haur eta gazteen artean arrakasta izugarria izan duen EiTBk eta Pausokak ekoitzitako telesail honen hiru aktorek, Xabi Perez dinamizatzaile dutela.
Saioak gainera beste gonbidatu bat izango du ere: Paloma Pujol Footbag eta Football Freestyle txapeldunak erakustaldi ikusgarria eskainiko du.
Adina: +8 urte
Laguntzaileak: EiTB & Pausoka
Mugan Donostian jaiotako zazpikote gaztea da. Kantuen sorrera 2017an hasi bazen ere, 2019an eman zituzten haien lehen kontzertuak. 2020ak ezarritako bizimodu berriaren ondorioz, taldeak urtebeteko kontzertu etenaldia jasan zuen; tartean, Udabiberri (2020), aurkezpen kantu gisa argitaratuz.
Une zail haietan taldeari indarra emateko asmoz, Kutxa Kultur Musikaren atea jo zuten. Bertan hautatuak izanaren ondorioz, taldea berpiztu, eta proiektua indartzen hasi ziren. Urte hartan, Kalean (2021) eta Pangea (2021) argitaratzeaz gain, hainbat kontzertu eman zituzten Euskal Herriko herri desberdinetan, beste talde batzuekin kolaboratzeaz gain.
Bizirik ez bagaude (2022) da Muganen lehen diskaren izena. Zortzi kantuz osaturik, rocka eta poparen nahasketatik haratago doazen doinuak bildu ditu taldeak. Letrekin zazpikoteak mezu argi bat bidali nahi izan du: “Sentitzeko beharraren aldarrikapen bat da. Norberaren egia eta kanpokoaren arteko talkak sortzen duenaren inguruko hausnarketa.”
Bizirik egoteko, sentitzeari beldurra galdu behar diogula defendatzen dute.