Euskaraz.net

Famileintzako arte lantegia (+5)

Erakusketek txikiak eta helduak praktika artistikoetara hurbildu eta elkarrekin gozatzeko guneak ahalbidetzen dituzte. 

Vive le cinéma! erakusketan lau zinemagilek (Dea Kulumbegashvili, Jeremiah Lemohang Mosese, Isaki Lacuesta eta Jia Zhang-ek)  zinema aretoetarako filmak egiteko praktika erabili dute erakusketa-areto honetarako instalazio zinematografikoak sortzeko. 

Erakusketa oinarritzat hartuta, tailer honetan argiaz, soinuaz eta erakusketa hauek ikusteko, entzuteko eta esperimentatzeko moduez arituko gara, denon artean egingo ditugun ariketa ezberdinen bitartez. 

Datak:

Uztailak 16

Abuztuak 27

Irailak 24

Urriak 22

Abenduak 17

• Zeri dagokio: Vive le cinéma!

Kubo Kutxa aretoak Presentziak Absentziak aurkeztuko du, aurtengo bigarren erakusketa, zeinetan aukera baitugu Javier Pérezen (1968, Bilbo) unibertso pertsonalean murgitzeko.

Javier Pérezen obren bereizgarri nagusietako bat sinkretismoa da, bai prozedurei dagokienez bai erabiltzen dituen materialei dagokienez ere: eskultura, argazkia, marrazketa, bideoa eta performancea modu independentean erabiltzen ditu, eta batera, interakzioa eta ikerketa funtsezko ezaugarri dituzten instalazioak sortzeko.

Bere ibilbidean zehar, orotariko euskarriak erabili ditu: material organikoak, hala nola hesteak, larrua, zaldi-zurda, pergaminoak, latexa eta krisalidak; hauskorrak, beira edo portzelana, adibidez; eta solidoak, brontzea eta marmola, esaterako. Denei eskatzen dizkie artistak arrisku tekniko handiko egoerak, baina aukera paregabea ematen diote erabateko askatasunez mugitzeko bere sorkuntza-prozesuan.

Bere obrarekin, giza izateari buruz egin dituen ikerketak eta gogoetak erakusten ditu Javier Pérezek, metafora ugariko eta sinbolismo handiko hizkuntza baten bidez. Haren lanek atxikita dute dialektika, eta agerian uzten dute zein ahulak izan daitezkeen itxuraz elkarri kontrajarriak diren kontzeptuen arteko mugak; adibidez, naturala eta kulturala, barnekoa eta kanpoa, bizitza eta heriotza kontzeptuen artekoak. Fluktuazio ziklikoen ideia, zirkulartasuna, denborazkotasuna eta «inpermanentzia» dira artistaren ohiko gaietako batzuk.

• Datak: 2022ko ekainaren 11 – irailak 25
• Ordutegia: asteartetik igandera 12:00-14:00 eta 16:00-20:00
• Komisarioa: Alfonso de la Torre
• Sarrera doakoa
• Jarduerak: Doako bisita gidatuak larunbatetan (17:30ean euskaraz)

Bisita gidatua Ruth Orkin (1921-1985) artistaren Denboraren ilusioa erakusketara. Erakusketa ikusgai dagoen azaroaren 6 arte Kutxa Kultur Artegunean.

Erakusketak amerikar argazkilariaren ibilbidea berreskuratzeko aukera eskaintzen du, haren lan ezagunenez haratago.

-Lekua: Kutxa Kultur Artegunea (0. solairua. Tabakalera). Donostia / San Sebastián
-Doako bisita. Plaza mugatuak. Igandero, 17:30tan.
-Beharrezkoa erreserbatzea: T- 943 251937 |  aretoan bertan | hezkuntza_artegunea@kutxakulturartegunea.eus

Deskargatu hemen erakusketa-gida

Donostia Zinemaldiaren 70. edizioan, Tabakalerako 2deo euskarazko ikus-entzunezko laborategiak, SSIFF eta Gaztea/EITBrekin elkarlanean, #2deotikZinemaldira ekimena abiatuko du. Tabakalerako 2deoren eskutik, laborategian lanean aritzen diren egoiliarrek eta sareetan ezagunak diren eduki digitalen sortzaile gazteek osatutako talde batek Donostia Zinemaldia barrutik jarraituko du sare sozialen bidez, euskaraz eta formatu eta eduki digital berriak erabiliz. 

Honenbestez, euskarazko jarraipena egin ahal izango da Donostiako Zinemaldiak iraungo duen bederatzi egunetan, irailaren 16tik 24ra, Tik Tok, Twitch, Youtube, Instagram eta Twiterren, 2deoko sortzaileek #2deotikZinemaldira traolarekin argitaratuko dituzten edukien bidez. Ekimen honekin, Tabakalerako 2deok euskarazko ikus-entzunezkoen ekoizpena eta kontsumoa bultzatu nahi ditu, eta formatu berriak sustatu, eta Donostia zinemaldian egingo du bere lehen esperientzia.

Informazio gehiago hemen.

Heriotza, duin eta ilustratua erakusketarekin loturiko ekitaldia.

Egile bakoitzak bere lanaren berri emango du erakustaretoan.

Izaro Mariezkurrena: "Hasiera bat, amaieran"

"Heriotza urrun ikusten dugu batzuk, ilun, etorriko ez delakoan ahaztu besteok. Badira, gertu sentitzen dutenak, baita iristeko desioan dabiltzanak ere. Hauek izan ditut gogoan. Bizitzak ahalik eta gehien luzatzearen borrokak ere sufrimendua dakar. Ikasi beharko genuke, askotan juten uzten. Goxo, pozez, lore artean, itsasoan. 

Izan ere, bizitzaren eskutik doa heriotza, bata bestearik gabe ezin existitu. “