Euskaraz.net

Erakusketa honetan, Arantza Sestayoren fantasia errealistako ilustrazioen unibertso bikaina bisitatuko dugu. Pintura prerrafaelistaren eta Art Nouveauren eraginak jaso dituen artista honen erakusketan zehar haurrentzako klasikoetan oinarritutako fantasiazko ilustrazioetatik –Edurnezuri edo Alizia bezalako pertsonaia ezagunekin– hasi eta A Song of Ice and Fire 2022ko egutegi ofizialerako ilustrazio zoragarrietaraino –Daenerys, Sansa edo Jon Snow pertsonaia karismadunekin– gozatu ahal izango dugu. Bidaian zehar bere unibertso gotikoa ere bisitatuko dugu, bere pertsonaia erromantiko, malenkoniatsu eta sentsualekin.

Arantza Sestayo Donostian jaio zen 1964an. Autodidakta, erretratuaren, zeramika-diseinuaren eta animazio-estudioetako fondoen ekoizpenaren bidetik hasi zuen garatzen bere ibilbide profesionala. Bere obraren erakusgarrietako batzuk hauek dira: Besos malditos, Vampiros edo Reinas de la ilustración española del siglo XXI (Norma Editorial), Rooie Oortjes Belgikan, LeewiART Txinan eta A Song of Ice and Fire (Harper Collins) 2022ko egutegia.

Hainbat sariren artean, Irudimenezko Errealismoan lehenengo saria eman zioten Seven Hearts obragatik, Art Renewal Center 2020an.

Astelehenetik ostiralera: 10:00-20:30. Larunbata, jaiegun eta urriaren 31n: 10:00- 14:00 / 16:30-20:00

Oharra

Hitzaldien bideoak hurrengo egunean egongo dira ikusgai San Telmo Museoko youtube kanalean

Udazkenero bezala, Aranzadi Zientzia Elkarteko Etnografia Sailak, San Telmo Museoaren laguntzarekin, hitzaldi zikloa antolatu du. Hitzaldiak 19:00etan hasiko dira.

Programa:

Azaroak 8:  Alimentación y nutrición en el mundo agropastoral de Euskal Herria, siglo XX. Fermin Leizaola Azaroak 9: Yurreamendi (Tolosa, 1856-1867): un centro pionero de experimentación agraria. Pedro Berriochoa Azcárate Azaroak 10: Etnografia bilduma bat Gipuzkoarentzat: Maite Errarte, Suberri Matelo. Liburu aurkezpena  Azaroak 11: Ohitura zaharrak eraberritzen? Neguko festak pandemia testuinguruan. Aitzpea Leizaola Egaña 

Joseba Sarrionandia-rekin solasean arituko gara. Zatoz elkarrekin literaturaz eta hizkuntzaz gogoeta egitera! Lehenik, Narrazioak bildumako hiru narrazio izango ditugu mintzagai xeheago ("Estazioko begiradak", "Itzalarekin solasa" eta "Sonbreiru baten istorioa"), bildumaren ekarpena gaur egunetik interpretatzearekin batera. Bigarrenik,  gaur egungo auzi literario eta hizkuntza auzi zenbait izango ditugu aipagai, solasaldi irekian.

Dinamizatzailea: Iratxe Retolaza

Eta orain zer? obra koreografikoren entsegu irekia gidatuko dute Kukai Dantza taldeko partaideek.

Espazio huts batean, ezerezaren aurrean… askatasunaren, erabakitzeko aukeren, proposatzen dizkidaten muga eta aukeren artean…

Hogei urteko ibilbide baten ostean, pandemia baten ondotik… Ikusle, dantzari, sortzaile, musikari, teknikari, kudeatzaile… garen horretatik… Eta Orain Zer?, Nola ekingo diogu esperientzia honi? Nola beteko da hutsa? Nola jokatuko dut nik? Nola jokatuko dugu guk? Izango al da batzen gaituen sokarik?

Sarrera doan izango da. Bi sarrera gehienez pertsona bakoitzeko. Entsegu irekian parte hartzeko nahitaezkoa da erreserba egitea, goikaldeko "erreserbatu" botoia sakatuz eta datuak betez. Plaza-kopurua mugatua da, beraz, onarpena izen emate ordenaren arabera egingo da.