Zure establezimenduan euskaraz barra-barra!

 "Euskaraz barra-barra" egitasmoa, Donostian ezezik, Euskal Herri osoan jarriko da martxan. Horrela, jendaurreko zerbitzua euskaraz eman dezaketen establezimenduak modu berean identifikatuko dira hiri eta herri guztietan. Marka berri orokor horrek, "Hemen ere euskaraz"  marka ordezkatuko du hemendik aurrera. Zure establezimenduan euskaraz egin nahi duen bezeroari erraztasunak eman nahi badizkiozu, ekimen honetan parte hartzera animatzen zaitugu.

1. Zeinek har dezake parte?

 

Bi baldintza betetzen dituen establezimenduak parte har dezake:

 

1-Jendaurreko langileek euskaraz ulertu behar dute:

      -Langile kopurua 2-10 denean, uneoro langileen %50ek gutxienez euskaraz ulertu behar dute.

      -Langile kopurua 10etik gora denean, uneoro langileen %30ek euskaraz ulertu behar dute.

 

2-Bezeroari lehen hitza euskaraz egin behar diote

 

2. Zein abantaila izango dute parte hartzen duten establezimenduek?

 

Establezimenduaren irudia eta errentagarritasuna hobetuko dira

  • Bezero euskaldunei zerbitzu hobea eskainiko zaienez, fidelagoak izango dira eta negozioa errentagarriagoa izango da: bezeroak erosoago sentituko dira, harreman estuagoa lortuko da eta emaitza hobeak izango dira.
  • Donostiako merkataritzaren bezero garrantzitsuenak donostiarrak eta gipuzkoarrak dira: % 71,9.
  • Donostia eta Gipuzkoako biztanleriaren artean euskararen ezagutza gero eta handiagoa da: donostiarren % 40,6 euskalduna da eta % 28,6 ia-euskalduna. Gipuzkoan berriz, % 53,3 euskalduna eta % 22,7 ia- euskalduna.

 

Establezimendu horien sustapena egingo da

  • Promozio-kanpaina bateratuak egingo dira ( komunikabideetan, kale ekintzak,..) eta sare sozialak (twitter, facebook...) erabili.

  • Donostiako Sustapenak promoziorako eta prestakuntzarako egiten dituen ekintzez baliatu ahal izango dira establezimendu horiek: Punto Dendako ekintzak, merkatarien eta ostalarien on line komunitateaz baliatzea, prestakuntza tailerrak jasotzea, eta abar.

 

3. Zer egin behar da egitasmoan parte hartzeko?

  1. Establezimendua identifikatu behar da kanpainaren eransgailua jarriz erakusleihoan.
  2. Euskara ulertzen duten establezimenduko langileek euskara erabiliko dute beti bezeroei egiten zaien lehen agurrean.
  3. Euskaraz egin nahi duen bezeroari euskaraz egiteko aukera emango zaio, jarduteko protokoloan emandako irizpideak jarraituz.
  4. Parte hartzeko gurekin jarri harremanetan. udala_euskara@donostia.eus

4. Udala eta eragileak elkarlanean

Egitasmo hau Eusko Jaurlaritzak eta Donostiako Udalak, bere Euskara Zerbitzuaren bidez, sustatzen dute Donostiako Sustapena, sektoreko ordezkariak diren SShops Donostia, Gipuzkoako Merkatarien Federazioa,  eta Gipuzkoako Ostalaritza Elkartearen laguntzarekin. Horiez gain, euskararen erabileraren alde lan egiten duten hiriko hainbat elkarte ere lankidetzarako prest agertu dira: Euskara batzordeak, Bagera, eta abar.

Bestalde, Euskal Herriko zenbait udalerri ari dira parte hartzen egitasmoan.

Jarduteko protokoloa

Itzuli